من حق الناس تشوفك مبتسم
اليوم على بالي نحجي عن الابتسامة.........مرة واني ماشية بالطريق وبيومهة الضوجة صاعدة فووووول ...اجت عيني بعين واحد سايق ويسوي حركات بأيدة ووجهة ......فأنا غلست ومشيت بعدين راجعت حركات الرجل بفكري وتذكرت شجان يسوي .....بالبداية اعتبرتة واحد بطران مثل منكول بس بعدين عرفت العراقي شكد طيب كَلُب ...تعرفون شنو الإشارة السواها ذاك الرجل وهو يسوق سيارة خاصة بوقتهة منتبهت نوعهة بس جانت زغيرة ...خلّة ايدة على حلكة ورسم بيهة ابتسامة كأنما يكوللي ابتسمي متسوة الدنيا .....وكلما حسيت ضايجة من أمشي بالشارع أتذكر ذاك الشخص وأترك الضوجة على جهة ....لأن شنو ذنب الناس تشوفني ضايجة ؟؟؟؟قابل همة مضوجيني ؟؟مسألة تنتهي بوقتهة ماكو داعي ننطيهة أكبر من حجمهة ونفكر بيهة ..كان الشخص غريب وما أعرفة ويسوق سيارتة عكس اتجاه سيري أصلاً ... تعلمت من عندة درس كلش حلو .لازم تخلي صورتك تدفع الناس للحياة مو تخليهة كئيبة بحيث يستغربون من عندك
حتى السلام ....
ليست هناك تعليقات:
إرسال تعليق